WASHINGTON, AP.- Presidente Donald Trump a nominá Jerome Powell komo titular di reserva Federal i a bisa ku e tin “e sabiduria i liderazgo” pa guia e ekonomia di e pais. Powell lo remplasá Janet Yellen, e promé muhé pa okupá e kargo aki.
Trump a hasi e anunsio durante un seremonia den Rosaleda di Kas Blanku, ku Powell kompañando. E mandatario a bisa ku Powell, di 64 aña, a gana e “rèspèt i atmirashon di su koleganan” durante sinku aña komo integrante di e hunta di banko sentral”.
E presidente a felisitá Yellen tambe, kende el a disidí pa dominá pa un segundo periodo i a bisa ku e tabata “un muhé maravioso ku a hasi un trabou espektakular”.’ Powell a deklará ku tabata un privilegio pa traha ku Yellen i Ben Bernanke, un otro eks presidente di Fed.
El a agregá ku e ta kompartí e desishon i e mishon ku ámbos tin i ku e lo hasi tur loke ta “den su poder” pa logra e ophetivonan di Fed pone pa Kongreso “manera preisnan stabil i máksimo empleo”.
Den un komunikado, Yellen, kende no tabata presente durante e anunsio, a bisa ku e lo traha ku Powell pa sigurá un transishon suave.
Despues di un búskeda ku tabata mas públiko ku kualkier otro den historia di reserva Federal, e eskoho di Trump a wòrdu mira komo un opshon safe ku ta representá kontinuidat.
