WASHINGTON, AP.- Presidente Donald Trump a bisa djaluna ku e no tin planiá di retirá e supsekretario di Hustisia Rod Rosenstein, dunando e funshonario di Departamento di Hustisia un alivio profundo, kual su futuro tabata bou di spekulashonnan intenso e último dos simannan aki.
Trump a bisa na periodistanan di Kas Blanku ku e tin un “hopi bon relashon: ku Rosenstein i tabata ansioso pa papia kuné na bordo di Air Force One den un buelo pa Florida, pa partisipá den un konferensia di Asosiashon Internashonal di Hefenan di Polis. Ambos a papia durante 30 minüt, pero no priva, segun un bosero a indiká.
E buelo tabata un oportunidat pa e kombersashon mas largu desde luna pasa, kaminda Rosenstein a papia di posiblemente graba Trump den sekreto na komienso di aña 2017.
Departamento di Hustisia a ninga ku Rosenstein a proponé pa invoká Enmienda 25 di Konstitushon i a emití un komunikado, indikando ku e afirmashon tokante graba e presidente tabatin un intenshon sarkástiko.
