WASHINGTON, AFP.- Presidente Donald Trump a yega serka di atmití su derota djaluna, rekonosiendo ku ta tempu pa Servisio di Atministrashon General hasi “loke nan tin ku hasi”.
Pero el a agregá ku e lo no konsedé bisando ku “Nos kaso ta kontinuá, nos lo sigui ku e bataya, i mi ta kere ku nos lo prevalesé”, asina Trump a publiká den un tweet.
E desishon pa GSA traha ku e ekipo di transishon di Biden ta nifiká ku nan lo haña akseso na fondo, ofisina i oportunidat pa topa ku ofisialnan federal.
E ofisialnan di transishon lo topa ku ofisialnan federal pa elaborá riba maneho di e pandemia i tambe pa haña informashonnan relashoná ku seguridat nashonal di Merka.
Trump a aseptá e transishon aki despues ku Michigan a anunsiá su resultadonan i pa motibu ku vários sostenedó di Trump importante a pidi pa kaba ku e impase aki.
