WASHINGTON, AP.- Presidente Donald Trump lo pidi 8.600 mion dòler pa konstrukshon di e muraya na frontera ku México, komo parti di un proyekto di presupuesto ku lo redusí gastu di otro programanan públiko tambe.
E proposishon di gastu manera esun presentá djaluna ta wòrdu mirá komo un punto di salida pa un proseso di negosiashon. Apesar ku e siere mas largu di gobièrnu den historia di e nashon a terminá algun dia pasá, Trump ta duna indikashon ku e ta dispuesto na bolbe batayá ku Kongreso, pa oumentá gastu di defensa i redusí sobra finansanan ku 2,7 bion dòler durante un dékada largu.
E título di e dokumento ta bisa “Un presupuesto pa un mihó pais: Promesanan kumpli, kontribuyentenan na promé lugá”.
Russ Vought, direktor interino di Ofisina di Presupuesto i Atministrashon Públiko a sigurá ku e atministrashon ta “dunando prioridat máksimo na limitashon di gastunan innesesario na Washington”.
Den un entrevista djaluna ku e kanal CNBC, Vought a konfirmá ku e pedido di 8.600 mion dòler pa e muraya ta parti di e proposishon pa aña fiskal 2020, kual ta kuminda riba 1e di òktober.
“E situashon na frontera ta birando mas pió kada dia di nobo”, segun Vought a bisa segurando ku “un kantidat sin presedente di detenshon ta tumando lugá”.
