WASHINGTON, AP.- Presidente Donald Trump a preshoná e mandatario nobo di Ukrania pa e koordiná un ekipo huntu ku e sekretario di Hustisia di Merka William Barr i abogado Rudolph Giuliani pa investigá su rival polítiko, demókrata Joe Biden.
Presidente di Kámara di Representante, Nancy Pelosi a indiká ku e presidente ta meimei di un investigashon pa huisio polítiko.
E rapòrt di Kas Blanku ta revelá ku Trump ta dispuesto na involukrá un lider estranhero pa haña informashon perhudisial tokante su rival polítiko. Bou di e lei federal, ta ilegal pa un gobièrnu buska sosten den estranhero pa elekshon di Merka.
