WASHINGTON, AP.- Pa promé biaha Donald Trump a detayá kuantu su plannan lo kosta ekonomia di Merka si e wòrdu skohe den Kas Blanku.
E empresario a bisa ku su bahada den impuesto lo kosta 4,4 bion dòler a lo a largo di dies aña, inkluyendo e plan di kuido infantil ku el a anunsiá e siman aki.
Pero el a indiká ku e kosto lo wòrdu kompensá pa e kresementu ekonómiko, manera mas sèn komo konsekuensia di reforma i regulashonnan den komersio i elektrisidat.
Tambe el a bisa ku e por spar kasi un bion dòler durante e siguiente dékada dor di kita un sèn di kada dòler di e gastu federal den programanan, inkluí esun di defensa.
Pa loke ta Hillary Clinton, el anunsiá ku e lo duna mas informashon tokante su salú pronto. E kandidato presidensial demókrata a sigurá ku e kier rospondé preguntanan legítimo ku e pueblo tin tokante su estado físiko.
Clinton, kende a papia pa e programa di radio Tom Joyner, a agregá ku e ta sinti su mes “konmové” pa e prekupashon ku e pueblo a ekspresá pa su bienestar.
E kandidato demókrata a hasi su karta di dòkter públiko kaminda e ta deklará ku e kandidato ta “apto pa sirbi” komo presidente. E kandidato a wòrdu krítika pa falta di transparensia despues di no revelá ku el a wòrdu diagnostiká ku neumonia, te na momentu ku e video a mustr’é ta tambaliá i Sali urgentemente di un seremonia na memoria di víktimanan di e atentadonan di 11 di sèptèmber di 2001.
