TURKIA, AP.- Un religioso musulman ku ta biba na Estados Unídos ta responsabel di e asesinato di e embahador Ruso na Turkia asina e presidente Turko Recep Tayyip Erdogan a deklará djárason. E religioso Fethullah Gulen a mira e asesinato di e embahador Andrei Karlov kende a fayesé seftá di bala durante un eksposishon di pòtrèt na Ankara asina Erdogan a duna di konosé. E asesino tabata miembro di e organisashon terorista di e religioso asina e mandatario a bisa. E asesino Mevlut Mert Altinas tabta miembro di polis di Turkia ku a keda batí den un operativo di polis despues di e krímen.
Den pasado Turkia a yega di akusá Gulen kende a trata di destabilisá e pais dor di akus’é di a sostené un gòlpi di estado ku no a konkretisá ku a tuma lugá na yüli último. Gulen a ninga di a partisipá den esei pero a keda kulpá pa asesinato di e embahador. Sinembargo Gobièrnu a konsiderá su grupo komo “un organisashon terorista” i a arestá míles di persona pa nan vínkulo ku e gòlpi i a kita mas di100.00 empleado públiko for di trabou. Turkia ademas di a pidi Estados Unídos pa ekstraditá Gulen pa e por atendé e kargonan kontra di dje.
