BOGOTA, AP.- Union Europeo (UE) a primintí djaweps ku e bloke lo yuda Colombia lidia ku e salida di refugiadonan ku ta hui pa e krísis polítiko i ekonómiko na Venezuela.
E komisario di polítika eksterior di UE, Federica Mogherini, a primintí 30 mion euro pa yuda Colombia identifiká migrantenan venezolano i integrá nan den e sosiedat.
E kontesta di Colombia kontra e krísis ta “un ehèmpel pa e region i mundu kompleto”, asina e komisario a indiká, ounke el a atvertí ku mester di mas yudansa internashonal.
Kasi 1,5 mion venezolano a yega Colombia den añanan resien, pero mayoria e drenta e pais di forma ilegal i no a haña trabou.
Mogherini a ratifiká e boluntat di UE pa yuda Colombia implementá akuerdonan di pas ku FARC, i a anunsiá asistensia finansiero pa e sistema di hustisia pa prosesá krímennan di guera i duna kompensashon na e víktimanan.
