KIEV, UKRANIA, AFP.- Ukrania a pidi su aliadonan pa aktua rápido pa para Rusia ku kier invadí e pais, afirmando ku un atake ruso por sosodé “den un fregá di wowo”.
E hefe di diplomasia ukraniano, Dmytro Kuleba a bisa den un seshon informashon ‘online’ ku “ta mihó nos aktua awor i no despues” pa “para Rusia”.
Segun Kuleba, Rusia a akumulá alrededor di 115.000 efektivo alrededor di Ukrania, i tambe Crimea, e península ukraniano aneksá na Moscow na 2014, i riba teritorionan kontrolá pa separatistanan na ost di e pais.
Merka, NATO, i Union Europeo a ekspresá nan preokupashon pa e movementunan di trupanan ruso serka di Ukrania, temiendo un posibel invashon. Rusia a ninga tur e akusashonnan i a bisa ku Ukrania i su aliadonan oksidental ta provokando e pais.
