MONTEVIDEO, URUGUAY, AFP.- Uruguay, konsiderá komo un ehèmpel den e lucha kontra COVID-19 ta registrando un kantidat muchu mas haltu di kaso diario nobo kompará ku tur otro pais, segun un konteo di AFP.-
E pais a reportá 1.370 kaso diario nobo pa kada 100.000 habitante den e último 14 dianan. Ningun otro pais a superá 1.000 infekshon diario pa kada 100.000 habitante den e mesun periodo, segun datonan di AFP.
E gobièrnu a reportá 71 morto kousá pa COVID, e sifra di mas haltu desde komienso di e emergensia di salú. E pais tin un total di 147.173 infekshon i 1.533 morto kousa pa e Corona vírus nobo.
E oumento aki ta yenando hospitalnan públiko i priva den e pais kompleto, kaminda 53% di kamanan den kuido intensivo ta okupá pa personanan infektá ku COVID-19. Segun un rapòrt di Sosiedad Uruguayo di Medisina Intensivo, mas o ménos 77% di e unidatnan di kuido intensivo ta okupá.
Pero presidente Luis Lacalle Pou no a reforsá medidanan eksistente pa restringí mobilidat, argumentando ku su gobièrnu no a kere den un “estado di polis”.
