eks kandidato presidensial Henrique Capriles a wòrdu afektá djaluna ku a pasa pa gas lakrimógeno ku a wòrdu lansá pa Guardia Nashonal kontra manifestantenan opositor ku a dominá e outopista prinsipal di Caracas. Capriles mester a wòrdu yudá pa su bodyguardnan, kende mester a karg’e sak’e di e multitut.
E kapital venezolano tabata esenario di un dia mas ku míles di persona protestando, wayando bandera blanku, dominando outopista i kamindanan pero atrobe a wòrdu blòkia pa Guardianan Nashonal, Polis ku tanki i seis brantspùit.
Forsanan di siguridat tabata tira gas lakrimógeno, bala di rùber, kanika di kristal i metal pa plama e manifestantenan di otro, kende a enfrentá forsanan di seguridat ku piedra, bòm molotov, palu, bòter di pintura i shushi konosí komo “pupitov”.
Meimei di e manifestashon, Capriles a resultá heridá i tambe diputado opositor Carlos Paparoni, kende a sufri un heridá na su kabes.
