CARACAS, AP.- Entre un kantidat di bandera venezolano i gritu di “si nos por”, míles di opositor, algun bisti ku kaminda blanku i pèchi di tres kolo a marcha riba outopista i avenidanan djasabra na parti ost di e kapital, den un eskala di tenshon polítiko, miéntras e gobièrnu di Nicolas Maduro ta enfrentá un blackout ku e ekstendé durante mas di 48 ora i ku ta afektá gran parti di e pais.
Maduro a anunsiá ku un di e fuentenan di generashon eléktriko a sufri un “atake” nobo ku a “tumba” tur loke nos a logra pa rekonekta 70% di e servisio den e pais. E no a duna mas detaye.
E mandatario iskierdista ta konsiderá Merka komo responsabel pa atakenan na e sistema eléktriko i a pidi e venezolanonan “komprenshon” pa logra konektá e sistema durante “próksimo oranan”.
“Nos ta pasando dor di e agreshon mas grave di e imperio merikano”, asina el a sostené.
Maduro a ekspresá ku desde djaweps tabatin sinku atake eléktriko, informátika i “elektromagnetiko” pa impedí ku a establesé lus den e pais kompleto. Ademas, el a indiká di a duna instrukshon pa garantisá e suministro di kumindanan supsidiá i awa limpi pa e pueblo.
