CARACAS, VENEZUELA, AFP.- E presidente di Venezuela Nicolas Maduro a bisa djaluna ku e ta prepará pa papia ku su kontraparte merikano Donald Trump, kende a bisa anteriorente ku e tambe ta dispuesto na topa ku e lider sosialista pa negoshá su renunsia.
Maduro a bisa e agensia di notisia AVN ku si tempu permití, e ta kla pa papia respetuosamente ku Presidente Donald Trump. Trump a tweet djaluna ku e ta dispuesto na topa ku Maduro, pero el a kambia di idea kasi mesora.
“Mi atministrashon ta para pa libertat i ta kontra e régimen opresivo di Maduro. Mi ta dispuesto na topa solamente pa negoshá su renunsia”, asina Trump a publiká riba Twitter.
Maduro a topa ku e kandidato presidensial kontra Trump, Joe Biden na aña 2015, temporada ku Biden tabata vise presidente di Barack Obama su atministrashon.