CARACAS, VENEZUELA, AFP.- Venezuela ta ofresé por lo ménos sinku mion hèktar di tereno pa akuerdonan di invershon agríkola ku produktornan di Iran i otro paisnan, segun un anunsio di minister di Agrikultura, Wilmar Castro Soteldo.
“Nos ta poniendo entre sinku pa shete hèktar di tereno na disposishon di empresarionan i produktornan estranhero pa produsí akinan”, asina el a bisa durante un presentashon.
Segun un rapòrt publiká na komienso di ougùstùs pa e agensia di notisia Tasnim di Tehran, e minister iraní di Ekonomia, Mohsen Kushki Tabar a bisa ku Venezuela a ofresé un mion hèktar di tereno na Iran. Pero Castro Soteldo a indiká djaluna ku “esaki no ta bèrdat i ku mester para tur propaganda falsu al respekto”.
