WASHINGTON, MERKA, AFP.- Alrededor di 20 persona, inkluyendo un franses i un kanades a keda akusá djaluna na Merka ku “terorismo interno” pa ataká un sentro di training polisial den siudat di Atlanta, segun outoridatnan.
Djadumingu anochi, “un grupo di personanan violento a usa e preteksto di ta manifestando pasifikamente pa ehekutá un atake kordiná kontra ekiponan di konstrukshon i polisnan”, segun deklarashon di e ofisial di polis di Atlanta den un komunikado.
Despues di informá di 35 detenshon, polis a komuniká e akusashon pa terorismo doméstiko kontra 23 persona. mayoria tabata merikano huntu ku dos siudadano di Fransia i Canada.
Desde su lansamentu den 2021, mayoria a protestá kontra e proyekto “Copville”, kual a bira pió den yanüari despues ku un aktivista a muri den un konfrontashon ku polis.
Outoridatnan a bisa ku e akusadonan tabata na un festival serka di e sitio, pero nan a bisti na pretu i drenta e sitio di konstrukshon i kuminsá tira piedra, palu, kòktel molotov i vürwèrk riba e polisnan.
Niun polis a resultá heridá den e suseso, segun indikashon di e hefe di polis di Atlanta, Darin Schierbaum, den un konferensia di prensa.