QUETTA, PAKISTAN, AFP.- Nuebe polis a muri i 16 mas a resultá heridá djaluna den un atentado di grupo Estado Islámiko, kontra un vehíkulo kaminda nan tabata biahando aden na sùitwèst di Pakistan, segun informashon di fuentenan ofisial.
E polisnan a fayesé den un atake kometé pa un kombatiente di Estado Islámiko na Pakistan, segun indikashon di e grupo den un komunikado publiká pa su agensia di propaganda Amaq.
Un funshonario di polis a deklará ku e terorista tabata riba un motersaikel i a dal patras di un trùk.
E hefe di polis di distrito di Kachhi a bisa na AFP ku e agentenan tabata regresando for di un feria kaminda nan mester a fungi komo miembronan di seguridat.
E atentadonan ta oumentando na Pakistan desde ku e talibannan afgano a tuma kontròl di Kabul, e kapital di Afganistan den ougùstùs 2021.