BERLIN, AP.- Un marokano sentensiá pa yuda Mohamed Atta i e otro pilotonan suisidio di 11 di sèptèmber a wòrdu deportá djaluna for di Alemania. Nan a plania e atakenan desde Hamburg i tabata duna asistensia na e atakenan na New York i Washington.
Outoridat aleman a konfirmá ku Munir el Motassadeq tabata na bordo di un avion ku a lanta di Frankfurt.
El Motassadeq a wòrdu kondená pa miembresia di un organisashon terorista i mata 246 pasahero i tripulante di avionnan usá den atakenan di 11 sèptèmber 2001.
Motassadeq a wòrdu transportá di un prisòn di Hamburg pa aeropuerto.
Motassadeq a wòrdu lagá den libertat promé ku el a kumpli su kondena di 15 aña den prisòn ku e kondishon di aseptá su deportashon pa Maroko. Esaki ta permití Alemania pa arest’é si e regresá e pais bèk.
No ta evidente kiko tabata ward’é na Maroko.
El Motassadeq a wòrdu sentensiá komo miembro di e grupo terorista di Hamburg, kual tabata inkluí Atta i e pilotonan di 11 sèptèmber Marwan el-Shehhi i Ziad Jarrah.
Korte aleman a determiná ku e akusado tabata na altura di e plan di sekuestro, ounke e no tabata sa detayenan di e plan. El a bisa ku el Motassadeq a yuda protehá e atakantenan i skonde nan komo studiante.
El Motassadeq a atmití di a entrená riba un kampo di al-Qaeda na Afganistan, pero a a insistí ku e no tabata sa nada di e plannan di su amigu pa ehekutá e atake den Merka.
