BERLIN, ALEMANIA, AFP.- Gobièrnu di Alemania a pone aktividatnan di e grupo petrolero ruso Rosneft bou di tutela, ku ta konta ku vários refineria riba su teritorio, pa garantisá mihó produkshon di koriente den e pais.
E filialnan di Rosneft na Alemania ta representá 12% di e kapasidat di refinashon den e pais. Desde awor esaki lo ta “bou di maneho” di e agensia nashonal responsabel pa e retnan di koriente, segun indikashon di e ministerio aleman di Ekonomia den un komunikado.
Di e forma aki nos lo ta “ménos dependiente di Rusia i e desishonnan ku nan tuma”, asina e kansier Olaf Scholz a afirmá durante un konferensia di prensa.
