MEXICO, MEXICO, AFP.- Mexico lo proponé formashon di un komité di pas pa logra un tregua entre Rusia i Ukrania i tambe un tregua mundial di sinku aña, segun indikashon di presidente mehikano Andres Manuel Lopez Obrador. E lo hasi e proposishon dilanti di asamblea general di Nashonnan Uní.
“Mester buska un akuerdo pa para e guera na Ukrania i logra un tregua di pas durante por lo ménos sinku aña entre tur nashon”, asina e mandatario a bisa durante di un diskurso ofisial na Mexico.
Kansier Marcelo Ebrard lo presentá e inisiativa den Asamblea otro siman. E lo proponé pa forma un komité ku ta inkluí e promé minister di India Narendra Modi, papa Fransisco i e sekretario general di Nashonnan Uní, Antonio Guterres, segun Lopez Obrador a añadí.
