IZYUM, UKRANIA, AFP.- E presidente ukraniano, Volodymyr Zelensky a anunsiá krímennan di un ehérsito di “asesino” i “tortura”, despues ku a deskubrí sentenáres di kadavernan derá den mondi serka di Izyum, un siudat na ost di Ukrania resientemente liberá di trupanan ruso.
Segun outoridatnan lokal, a deskubrí un total di 450 graf den mondi, inkluyendo unu ku restunan di 17 sòldat ukraniano.
“99% di e kadavernan deskubrí tabatin señal di morto violento”, segun indikashon di e gobernador regional Oleg Sinegubov. “Tin vários kadaver ku man mará tras di lomba i un persona tabata derá ku un kabuya rondó di su garganta. Opviamente e personanan aki a keda torturá i ehekutá”, asina el a bisa riba Telegram.
Segun e, a dera un total di “450 kadaver di sivilnan ku señalnan di un morto violento i tortura”, asina el a añadí. “Aparte di esaki a deskubrí muchanan” entre e kadavernan.
Presidente Zelensky a primintí un “kastigu teriblemente hustu” pa esnan responsabel pa e krímennan kometé na Izyum.
