GUAYAQUIL, ECUADOR, AFP.- Por lo ménos seis persona a muri i seis mas a resultá heridá despues di un atake armá na Guayaquil ayera. Esaki ta e di dos atake riba kaya den luna di yüni, relashoná ku tráfiko di droga.
Aparentemente, tabata trata di un reglamentu di kuenta entre gèngnan, ku a laga “un resultado lamentabel di seis persona morto i seis persona heridá”, segun indikashon di e hefe polisial di distrito sùit di Guayaquil, koronel Marcelo Castillo.
Dos siman pasá, sinku persona a fayesé, inkluyendo un polis, i ocho mas a resultá heridá na momentu ku tres hòmber a tira den un kas na Guayaquil (sùitwèst).
E tipo di atakenan aki a bira frekuente na Ecuador, meimei di un guera pa poder entre gèngnan di tráfiko di droga.