NEW YORK, MERKA, AFP.- Presidente merikano Joe Biden a urgi na New York pa kaba ku violensia kousa pa arma di kandela, mei mei di un ola di inseguridat ku ta afektá henter e pais.
“Ya ta basta awor! Pasobra nos sa ku nos por hasi algu kontra di dje”, asina Biden a bisa dilanti di multitut di responsabelnan di e siudat i e estado di New York, reuní den e sede di polis riba invitashon di e alkalde nobo Eric Adams, partidario di e man duru kontra kriminalidat pero ku programanan sosial pa prevení esaki.
Biden a revelá kontra e violensia den kual 64 menor a resultá heridá ku arma di kandela e aña aki kaba i 26 a pèrdè nan bida. E kontesta ta “mester duna polis e hèrmèntnan, formashon, fondo, pa nan ta sosionan, protektornan” pasobra e komunidat mester di nan.
E plan di Biden ta pa inyektá 500 mil mion dòler den e siudatnan i estadonan, mas polis den kayanan i programanan pa prevení violensia na nivel di komunidat i mas legislashon pa kombatí e tráfiko di arma.
