MADRID, SPAÑA, AFP.- Ku rechaso di su aliadonan, presidente di gobièrnu di iskierda spañó Pedro Sanchez a logra aprobashon di su reforma laboral, eksihí pa Bruselas, danki na e voto na fabor ku a sosodé pa ekibokashon di un diputado di derechi.
Asina e gobièrnu a haña un mínimo mayoria di 175 voto kontra 174 pa teksto, destiná pa redusí inseguridat den e merkado di trabou spañó, number un na Oropa den kontraktnan temporal.
Segun e partido opositor Partido Popular, tabata un di su diputadonan ku a duna e voto desisivo na fabor, pero segun e formashon esaki tabata debí na un eror informátika ya ku e polítiko tabata ke pronunsiá su mes kontra. E formashon a eksihí pa nan rektifiká e voto, segun e bosero Cuca Gamara.
Den e situashon aki no a stroba selebrashon di Pedro Sanchez kende riba Twitter a skibi “Spaña ta konta ku un kaminda nobo di relashonnan laboral. Ku e reforma laboral nos ta rekuperá derechi i nos ta rekonstruí konsensonan pa avansá den trabou di kalidat”.
