BEIJING, CHINA, AFP.- E sekretario di Estado merikano, Antony Blinken, a bisa djaweps na Beijing ku China i Merka ta di akuerdo pa “stabilisá” nan relashon, ounke nan ta sigui “lúsido” riba e desakuerdo bilateral profundo.
Na mes momentu, Blinken a sigurá ku Merka ta “lúsido pa ku e desafionan” ku China ta presentá, despues ku e rivalidat kresiente a wòrdu identifiká pa atministrashon di presidente Joe Biden komo un potensial menasa.
“Nos no ta kria ilushon relashoná ku e desafionan pa manehá e relashon aki. Tin hopi temanan kaminda nos ta profundamente den desakuerdo”, Blinken a bisa.
China a señalá Taiwan komo un di e kuestionnan prinsipal di desakuerdo, konsiderando ku e isla ta parti di China su teritorio i no ta ekskluí uso di forsa pa rekuper’é.
Durante di su bishita, Blinken a ripití ku Merka no ta duna sosten na independensia di Taiwan i a mantené su postura di “status quo”, ounke segurando ku e tin su “preokupashonnan profundo riba algun di e akshonnan provokativo ku China a tuma den e último añanan, for di 2016”.
