MERKA, AP.- Outoridat tabata buskando un muhé di 62 aña i su nietu, kende a pèrdè durante un ekskurshon den e Parke Grand Canyon na Arizona.
E famianan ainda tin speransa ku e duo aki ta na bida ya ku e muhé tin eksperensia den ekskurshon. Ta trata di Lou-Ann Merrel, kasa di Randy Merrell, fundadó di e kompania di fabriká di buts pa ekskurshonista Merrell.
Su nietu, Jackson Standefer, di 14 aña, tabata huntu kuné. Ambos a pèrdè ekilibrio subiendo un baranka i a kai den riu.
Mark McOmie, tio di Jackson, a bisa ku e riu ta pasa dor di algun baranka i p’esei nan tin speransa ku e muhé i e mucha a wanta na un di esakinan. Of kisas nan a haña refugio den un kueba.
Ekipo di reskate a risibí e yamada di ousilio mediante un GPS di emergensia ku ta keda den Punta Nort di e kañon, segun e hefe di servisio Matt Vandzura.
Den e búskeda, tres ekipo di reskate a partisipá, un helikòpter, un drone i un lancha. Asina bosero di e parke, Robin Martin a bisa.
E ekiponan di reskate ta forma un total di 20 persona.
