SOUTHHAMPTON,NEW YORK, MERKA (AP).- E virtual kandidato presidensial republikano, Mitt Romney, ayera a akudí na un evento di rekoudashon di fondo na Hampton, miéntras ku e demókratanan a lansa atakenan kordiná pa eksigí pa e splika su kuentanan na banko den stranheria, alabes ku nan a revelá vários di su deklarashonnan fiskal. E strategia, ku e kampaña di Romney a deskribí komo ‘un atake personal sin base’, a tuma lugá despues di resiente informenan ku a krea duda riba e rikesa personal di Romney, ku lo por a yega 250 mion dòler.
‘E ta e promé i úniko kandidato presidensial di Merka ku tin un kuenta di banko na Suisa, ku tin refugionan fiskal i skemanan di evitashon fiskal ku ta involukrá vários pais’, asina e senador Dick Durbin a bisa na e kadena CBS. Romney kisas pa kibokashon a yuda e kampaña di Obama ora el a realisá un evento di rekoudashon na e estadonan Hampton, e seri di komunidatnan eksklusivo na e playa sùit di Long Island.
