TALLAHASSEE, FLORIDA, MERLA, AP.- Gobernador Rick Scott i otro funshonarionan republikano haltu di Florida ta keha frekuentemente di e gastunan fiskal, ku diskretamente a gasta mas di 237 mion dòler na abogado privá pa promové su prioridatnan. Asina un investigashon di The Associated Press tabata indiká.
E kontribuyentenan di Florida tambe a wòrdu obligá pa pone kasi 16 mion dòler disponibel pa paga abogadonan di e otro banda. Esei kier men ku a gasta un montante total di 253 mion na kasonan legal den último seis añanan, inkluyendo un demanda tokante awa ku Georgia, unu pa praktiká prueba di droga pa esnan ku ta risibí prestashon sosial i un pa prohibí empresanan ku ta hasi negoshi ku Cuba pa kompetí via kontraktnan di gobièrnu.
“Dosshen sinkuenta mion dòler ta un kantidat grandi di sèn, segun Dominic Calabro, presidente di Florida TaxWatch, un organisashon ku ta monitòr e gastu públiko.
Gran parti di e gastu legal di estado no ta paresé den e proseso normal kaminda ta hasi e presupuesto estatal.
Fiskal general Pam Bondi a supervisá e presupuesto legal di kasi 309 mion pa aña, ku ta kontribuí na e pago di salario di 450 abogado estatal, pero tur e poder legal aki lo ta evitá ku e lidernan di estado por kontratá abogadonan privá.
