PARIS, AP.- E minister di Finansa franses a bisa djadumingu ku e lo reuní ku e federashon di empresario i minorista pa evaluá e impakto ekonómiko di e konfrontashonnan violento ku polis debí na un oumento di impuesto riba gasolin.
Kompanianan di limpiesa a limpia e shushinan ku a keda atras riba e avenida di Champs-Elysees e dia siguiente di e manifestashon di 8.000 persona kontra e impuesto. Algun manifestante a kima barikada i tabla di palu.
E disturbio a laga un saldo di 24 herido, segun indikashon di polis. Bruno Le maire a bisa na BFMTV djaluna ku e lo reuní ku representante di “minorista, komersiante, kámara di komersio i e federashon di empresarionan” pa kalkulá e “impakto riba e benta i nos ekonomia”.
E bulevar emblemátiko di Paris i kayanan den e área a keda kubrí na ruinanan karbonisá.
