SYDNEY, OUSTRALIA, AFP.- Oustralia su frontera internashonal lo keda será durante por lo ménos tres luna mas, kontinuando ku e pais su isolashon pa kontené e Coronavirus.
E minister di salú Greg Hunt a bisa ku ofisialnan di salú a avisá ku e situashon internashonal ta un rísiko inaseptabel pa salú públiko di Oustralia, inkluyendo e aparishon di variantenan di COVID-19.
Pa e motibu aki lo tene kontròlnan estrikto na frontera te ku 17 di yüni.
Oustralia a sera su frontera internashonal den komienso di e pandemia, teniendo mayoria no-siudadano for di e pais ku eksepshon di sirkunstansianan spesial.
E pais a imponé un kantidat di habitantenan ku por regresá tur siman, lagando míles pegá den eksterior.
Biaheronan ku drenta e pais mester gasta míles di dòler pa kompletá 14 dia di karentena den hotèl na momentu ku nan yega.