RAMALLAH, TERITORIO PALESTINO, AFP.- E prizoneronan palestino ku a hui for di un prizòn israelí e luna aki a kuminsá kobra e tùnel di eskape den desèmber, segun indikashon di abogadonan di dos fugitivo arestá.
Seis hòmber a skapa for di prizòn Gilboa na nort di Israel den sèptèmber, despues ku nan a koba un tùnel bou di e labamano den nan sèl.
Forsanan di seguridat israelí a lansa un búskeda pa kapturá e fugitivonan i a detené kuater te ainda.
E abogadonan di dos fugitivo, Mahmud Abdullah Ardah i Yaqub Qadri a proveé detaye di nan eskape. “Mahmud a bisa ku el a kuminsá koba e tùnel den desèmber”, segun indikashon di su abogado Roslan Mahajan.
Ardah a bisa ku e ta arkitekto di e eskape. El a bisa ku el a usa kuchara i tayó pa koba e tùnel for di su sèl di prizòn.
E abogadonan a bisa ku e prezunan no a plania pa hui riba 6 di sèptèmber, pero nan a hasi esaki dor ku nan tabata teme ku e wardadónan di prezu a kuminsá nota kambionan den nan sèl.
