BRASILIA, BRASIL, AFP.- E gobièrnu di presidente brasileño Luiz Inacio Lula da Silva a anunsiá un serie di medida di regulashon djárason di retnan sosial. E medidanan ta pa kombatí menasanan kresiente di atakenan na skolnan, un siman despues ku un individual a mata kuater mucha na un krèsh.
E minister di Hustisia, Flavio Dino, a sigurá ku lo obligá plataformanan pa tuma medidanan pa impedí kontenidonan i perfilnan ku ta “propagá òf motivá atakenan òf violensia kontra skolnan”.
E empresanan mester manda dato di tur usuario ku propagá violensia pa polisnan. Ademas, mester prohibí adrèsnan IP ku a publiká kontenidonan violento i ku a krea un perfil nobo pa krea usuarionan nobo.
Den kaso di inkumplimentu, e plataformanan lo por haña un but di te ku 2,4 mion dòler i tambe suspenshon di aktividatnan den e pais, segun e minister di Hustisia.
Djárason último kuater mucha di entre 4 i 7 aña a keda asesiná na un skol na Blumenau, na momentu ku un hòmber a drenta den e krèsh i ataká nan ku un hacha.
