TOKYO, HAPON, AFP.- Hapon no tin intenshon di retirá di proyekto di gas ku Rusia, apesar ku e pais a adoptá sanshonnan severo kontra Moscow despues di e invashon kontra Ukrania, segun indikashon di e promé minister hapones.
Hapon ta purbando di krea un balanse entre su nesesidatnan di kombustibel i su liña relativamente firme ku Rusia. Pa Tokyo, e desishon aki ta unu difísil.
Den s intervenshon dilanti di Parlamento, Promé Minister Fumio Kishida a deklará ku proyekto Sakhalin 2, lo kontribuí na suministro di gas natural líkido (GNL) “riba término largu, barata i stabil”.
El a añadí ku e proyekto ta importante pa seguridat di energia di Hapon i ku “nos no tin intenshon di retirá”.
Desde ku Rusia a invadí Ukrania, e empresa Shell, kual tin 27,5% di partisipashon den proyekto Sakhalin 2 a disidí ku lo retirá di esaki.
E grupo hapones Mitsui tin 12,5% i su kompatriota Mitsubishi 10%. Sin embargo, Kishida a bisa ku ku Hapon ta buskando fuentenan di energia alternativo.
