WASHINGTON, MERKA, AFP.- Hunter Biden, yu di presidente di Merka Joe Biden, a deklará kulpabel pa dos kargo di evashon di impuesto federal i kargamentu ilegal di arma, segun indikashon di fiskalnan djamars.
“E presidente i promé dama stima nan yu i lo sigui sosten’é, miéntras e ta sigui rekonstruí su bida. Nos no tin mas komentario,” asina Kas Blanku a bisa den un komunikado.
Fiskal federal David Weiss a sigurá ku Hunter Biden, di 53 aña, a yega na un akuerdo ku fiskal despues ku el a atmití su responsabilidat den ámbos kaso.
Segun Weiss, Biden a aseptá pa deklará kulpabel pa “dos akusashon di desobediensia intenshonal di pagonan di impuesto federal riba hür”.
Segun e akusashon, Biden no a presentá su deklarashon di impuesto na tempu riba mas ku 1.5 mion dòler pa 2017 i 2018.
Den ámbos aña el a debe mas ku 100.000 dòler di impuesto ku e mester a paga riba e entradanan aki.
Kada akusashon ta kondusí na 12 luna di prizòn i un but di te ku 100.000 dòler.
Ademas, Weiss a sostené ku Hunter Biden ta enfrentá un otro kargo pa “poseshon ilegal di un arma di kandela kual el a haña di un persona ku ta adikto na un sustansia kontrolá”.