JERUSALEM, AFP.- Iran ta buska pa profundisá i amplia su entrega di arma pa Rusia ku ta den guera ku Ukrania, asina e hefe di Mosad, e agensia di inteligensia israelí a indiká.
“Nos ta atvertí riba e intenshonnan den futuro di Iran, ku ta trata na mantené sekreto, pa profundisá i amplia su entrega di arma avansá pa Rusia”, asina David Barnea a bisa durante di un diskurso na presidensia israelí, sita pa prensa lokal.
Na final di òktober, presidente israelí Isaac Herzog a bisa ku el a kompartí ku Merka informashonnan ku ta mustra riba uso di dronenan iraní den e guera na Ukrania.
E servisionan di inteligensia israelí a keda akusá pa Teheran di sabotahe di algun di nan instalashonnan nuklear i di asesinato di sientífikonan.
