HERUSALEM, AFP.- Israel a akusá Iran di a hòrta dokumentonan konfidensial di Organisashon Internashonal di Energia Atómiko i usa esaki pa skonde pruebanan di su programa nuklear.
E Estado hebreo ta konsiderá e programa nuklear di Iran komo un menasa pa su seguridat, ta akusá e pais di ke krea un bòm nuklear, algu ku outoridatnan iraní a ninga.
E Repúblika Islámiko a “hòrta dokumentonan konfidensial di OIEA i a usa e informashonnan aki pa libra sistemátikamente di e inspekshonnan” di su programa nuklear, segun indikashon di e promé minister israelí, Naftali Bennet.
E akusashonnan a surgi un dia despues di publikashon di un informe di OIEA, konsiderá komo ni “den balansa” ni “hustu” di parti di outoridatnan iraní.
OIEA a atvertí ku ainda tin kuestionnan “no resolvé” den e programa nuklear, manera presensia di uranio enrikesé den tres sentral den provinsia di Tehran.
