KHARTUM, SUDAN, AFP.- Kombatenan ainda tabata pasando na Khartoum i e region oksidental di Darfur djabièrnè, apesar ku ehérsito sudanes i paramilitarnan a prolongá un tregua pa pone fin na un konflikto ku a laga mas ku 500 morto den dos siman.
Na Khartoum, e kapital kaminda mayoria pais ta purbando di evakuá su siudadanonan, e ministerio di Defensa turko a deklará ku un avion militar a wòrdu ataká.
Den e region di Darfur, na wèst di e pais, testigunan a informá di sakeonan masivo miéntras hòmbernan armá tabata tira rakèt den konfrontashonnan den barionan.
E violensia na Sudan a kuminsá riba 15 di aprel entre trupanan di e general Abdel Fattah al Burhan, e lider defakto di e pais desde e gòlpi na aña 2021, i paramilitarnan Forsa di Sosten Rápido (FAR).
Djaweps, e gruponan ku ta den guera ku otro a anunsiá ekstenshon di un tregua di tres dia adishonal. Desde komienso di e konflikto, tabatin vários tregua pero tur a frakasá.
