CARACAS, AP.- Presidente Nicolás Maduro a anunsiá djárason ku e ta tras di kaptura di e “golpistanan” ku a partisipá den e lantamentu militar den e pais.
E kantidat di manifestantenan heridá durante e lantamentu polítiko na Venezuela ta sigui oumentá.
Venezuela ta meimei di un lucha di poder entre presidente sosialista Nicolás Maduro i e lider opositor Juan Guaidó. E gobièrnu di Maduro ta sumamente impopular i ta wòrdu akusá di ta responsabel pa e krísis ekonómiko i humanitario den e pais. Pero te ainda el a logra keda na poder.
