WASHINGTON, USA (AFP).- E hefe di diplomasia norteamerikano pa Amérika Latina, Brian Nichols, a atvertí e presidente di Nicaragua, Daniel Ortega, ku e konseshon di asilo na e eks-mandatario panameño Ricardo Martinelli ta mina “e estado di derechi”.
E derechista Martinelli, na poder entre 2009 i 2014, a solisitá asilo na e embahada di Nicaragua na Panamá dianan despues di a pèrdè e último posibilidat pa anulá un kondena di kasi 11 aña di prizòn pa froude finansiero, segun e visepresidente nikaragwense Rosario Murillo, kasá di Ortega.
“Dunamentu di asilo na Nicaragua na e eks presidente panameño Ricardo Martinelli ta un medida ku ta mishi ku estado di derechi i ta un manera pa hui di hustisia”, segun Nicholas a bisa riba e ret sosial X.
“Funshonarionan di gobièrnu ku traishoná e konfiansa públiko mester paga pa esei”, el a agregá.
“Lo no ta promé biaha ku Nicaragua lo duna asilo na eks-presidentenan i funshonarionan haltu sentroamerikano envolví den problemanan ku hustisia. Den pasado a hasi esei pa e eks-mandatarionan iskierdista salvadoreño Mauricio Funes (2009-2014) i Salvador Sánchez
Cerén (2014-2019).
Djabièrnè awor ta kumpli un aña di yegada na Merka di 222 eks prezu polítiko ekspulsá for di Nicaragua, ku ademas a kita nan nashonalidat. E grupo ei tabata integrá pa defensornan di derechinan humano, aspirantenan na presidensia di Nicaragua, aktivistanan polítiko, miembronan di klero, periodista i studiantenan.
