SIUDAT DI MEXICO, AP.- Mas o ménos 100 sòldat mehikano i agentenan di migrashon a detené diferente migrante sentroamerikano den un trein rumbo pa sùit di México.
E operashon den oranan di mardugá ta un di e tiki redadanan konfirmá den trein for di tempu ku México a kuminsá reforsá su operashonnan kontra migrantenan durante e último lunanan ku a pasa.
E sòldatnan a subi den e trein i e migrantenan a purba hui na pia.
Testigunan a mira kon un sòldat a forsegea ku un hòmber hóben ku a purba resistí pa drenta den un trùk di inmigrashon. E agentenan a yena tres di e vehíkulonan aki ku migrante, pero vários a logra hui den mondi den estado di Chiapas.
Un redada similar a wòrdu efektuá riba 1e di mei den estado di Oaxaca.