GINEBRA, AP.- E hefe di derechi humano di Nashon Uni a kuestioná e polítikonan di presidente Donald Trump su gobièrnu. Michelle Bachelet, e Komishonado pa derechi Humano di Nashon Uni a bisa ku e muchanan no mester wòrdu detené den e sentronan di detenshon aki òf wòrdu separá for di nan famianan.
Bachelet a boga pa “alternativanan ku no ta rekerí detenshon” di e migrante òf refugiado despues ku esaki drenta Merka di forma ilegal.
E bosero di ofisina di derechi humano di Nashon Uni, Ravina Shamdasani, a bisa ku e komishonado a adoptá un postura mas estrikto despues ku e inspektor general d departamento di Seguridat nashonal a divulgá un informe atvirtiendo tokante e kondishonnan peligroso den sentronan di detenshon na Merka.
Bachelet a rekonosé “e paisnan su derechi di soberania” pa establesé nan propio kondishonnan di entrada i residensia pa estranheronan, pero el a rekordá ku e migrantenan tambe tin derechi humano.
