NASHON UNI, AP.- Un total di 443 persona a muri i 2.110 mas a resultá heridá komo konsekuensia di e aktonan violento den e kapital di Libia. E konfrontashonnan a surgi desde ku Ehérsito Nashonal di Libia a lansa un ofensivo kontra Tripoli luna pasá, segun informashon di Organisashon Mundial di Salú djárason.
E kantidat di personanan desplasá ta yegando 60.000 habitante. OMS ta koordinando yudansa di servisio di salú pa nan.
E bosero athunto di Nashon Uní, Farhan Haq, a bisa ku Nashon Uní ta preokupá pa e atakenan aéreo ku a impaktá un sentro di detenshon na Tajoura, kousando leshon di dos migrante.
Haq a bisa na prensa ku e mishon di Nashon Uní na Libia “tambe ta hopi preokupá ku e oumento di e kasonan di aresto i sekuestro arbitrario di funshonario, aktivista i periodistanan” i a hasi un petishon pa nan wòrdu liberá inmediatamente.