DEN HAAG, HULANDA, AFP.- E organismo di kontròl di medisina di Union Europeo a aprobá e píldora anti-Covid di Merck pa uso di emergensia djabièrnè mirando ku kasonan di infekshon ta subiendo den Europa. Aparte di esaki a kuminsá revisá e tratamentu antiviral di Pfizer tambe.
E dos píldoranan ta representá un paso potensialmente inovador den e lucha kontra Corona vírus. Estudionan ta mustra ku e píldoranan ta redusí riesgo di hospitalisashon i morto den pashèntnan den grupo di riesgo.
Agensia Europeo di Medisina (EMA) a bisa ku ounke e píldora di Merck no a wòrdu aprobá, a “emití un konseho” na tur e 27 paisnan di Union Europeo disidí si kier usa esaki den kaso ku e kasonan di infekshon di COVID ta oumentá.
Muhénan na estado òf muhénan ku no ta usa antikonseptivo i ku por sali na estado no por usa e píldora aki, segun indikashon di EMA.
“E rekomendashonnan aki ta basa riba estudionan di laboratorionan ku a prueba ku dósisnan haltu di Merck por influensiá kresementu i desaroyo di e feto”, segun EMA a agregá.
E píldora mester wòrdu atministrá manera e pashènt desaroyá síntomanan di COVID, pues dentro di sinku dia i mester usa esaki dentro di sinku dia, segun EMA.
