KIEV, UKRANIA, AFP.- Outoridatnan ku Moscow a manda den vários region di Ukrania a anunsiá djamars ku entre 23 i 27 di sèptèmber lo tin referèndemnan en konekshon ku aneksashon na Rusia.
Ukrania a reakshoná rápidamente i a primintí ku lo “likidá” e menasa di Rusia.
E teritorionan separatista pro ruso di Donetsk i Lugansk, den region di Donbas na ost di Ukrania i tambe regionnan di Jerson na sùit i Zaporizhzhia na sùitost, tur okupá pa ehérsito ruso a anunsiá e plan algun dia promé ku e pais drenta su di ocho luna di guera i miéntras ku tur e regionnan menshoná ta esenario di kombatenan i bombardeo.
E kansier aleman, Olaf Scholz, a bisa ku e “referèndemnan fiktisio” ta inaseptabel. Merka a anunsiá ku “hamas” lo rekonosé e teritorionan aneksá, i NATO a añadí ku e anunsio ta empeorá e konflikto na Ukrania.
