BAGDAD, AP.- Djaweps e rebeldenan sirio a ataka dos punto na frontera di e pais ku Irak, kaminda a mata21sòldatiatuma kòntròl di un di e kuater puestonan den serkania, asina un militar di rango haltu di ehérsito irakí a bisa.
E atakenan, kontra e gobièrnu sirio ta ekstendé durante henter dia, esaki a pone ku ehérsito irakí a wòrdu poné den alerta máksimo pa stòp un lòsmentu di violensia na otro banda di frontera.
“Nos tin preokupashonnan di seguridat paso e gobièrnu sirio no ta kontrolá e kaminda na frontera i niun hende no sa kiko lo por sosodé”, asina e general di brigada ehérsito irakí Qassim al-Dulaimi a bisa.
Algun seis rebelde a drenta djaweps mainta na frontera serka di e pueblo Qaim, asina ofisial a bisa. El a señalá ku e rebeldenan a kita e guardianan di nan puesto sin ku nan a krusa over pa Irak.
Mohammed Fathi, bosero di e gobernador di e provinsia di Anbar a bisa ku den wèst di Irak, e kaminda ku frontera tabata sera debí na e guera sivil.
Basta ora despues, e rebeldenan ataká un puesto di e ehérsito sirio serka di frontera irakí, kaminda a mata binti sòldat sirio i nan komandante, asina al-Dulami a bisa. E rebeldenan a poderá di e kontrolá di e puesto ei, segun el a agregá.
