PARIS, AP.- E presidente ruso, Vladimir Putin tabatin un siman drùk tras di lomba, despues di un atake merikano kaminda a mata e general iraní Qassem Soleimani. Siria a bishitá Suria djamars i ta dispuesto na yena kualke bashí ku Merka a laga atras.
E mandatario a bishitá diferente trupa den un zona di guera den dianan di fakansi, formando aliansa i akuerdonan ekonómiko den Medio Oriente. El a reuní ku e kansier di Alemania i a purba trese un imágen positivo di su mes i su pais komo sosionan konfiabel.
Putin ta e promé lider mundial kende e lider franses Emmanuel Macron a papia kuné, djis despues ku a anunsiá e atakenan di djabièrnè na Irak. E kansier aleman, Angela Merkel a biaha pa Kremlin pa papia tokante e krísis den Medio Oriente.
Canada, Dinamarka i Alemania a trasladá nan trupanan pa un sitio safe na Irak. NATO tambe a tuma e desishon aki konsiderando ku nan ta un koalishon internashonal ku ta kombatiendo e grupo ekstremista Estado Islámiko. No ta evidente si presidente Donald Trump a pone e koalishon na altura di e bombardeo na Baghdad. E aktividatnan di e koalishon a wòrdu paralisá i su sekretario general a deskribí e asesinato komo komo un desishon di Merka. Esaki no tabata un desishon ku e koalishon global ni NATO a tuma òf aprobá.
“Desafortunadamente, e situashon ku nos ta aden por eskala. Pero Turkia i Rusia ta demostrando diferente ehèmpel di koperashon pa bienestar di nos nashon i Europa kompleto”, asina Putin a bisa djárason na Turkia.
