WASHINGTON, MERKA, AFP.- Norkorea a ignorá múltiple proposishon di Merka pa negoshá i tambe yudansa pa kombatí e brote di covid-19 den e pais, segun indikashon di un diplomátiko djamars.
Sung Kim, Representante Spesial di Merka na Norkorea a bisa ku e pais no a reakshoná riba vários luna di komunikashon públiko i privá.
Kim a bisa ku Presidente Joe Biden i Sekretario di Estado Antony Blinken a bisa públikamente ku Washington ke negoshá ku Norkorea.
A manda vários mensahe den vários forma, “atraves di terseronan i tambe direktamente den un karta”, asina el a añadí. E mensahenan a inkluí proposishonnan spesífiko di koperashon humanitario tambe yudansa ku e brote resien di covid-19 na Norkorea.
Sinembargo, e pais no a reakshoná i no a dunando señal di interes.
