SHANGHAI, CHINA, AFP.- Shanghai a redusí tur restrikshon den algun bario despues di protestanan relashoná ku normanan estrikto kontra covid-19, kual a pone 25 mion persona den ‘lockdown’.
Outoridatnan a anunsiá ku lo kuminsá laga abitantenan den zonanan ku ménos kaso sali for di kas, ounke no ta evidente kuantu hende por sali for di nan kas ni pa ki dia.
Ainda China ta siguiendo e polítika stringente di “sero covid”. E meta ta pa eliminá tur infekshon hasiendo tèstnan masivo, restrikshonnan di biahe i dor di introdusí un serie di ‘lockdown’ estrikto.
Shanghai a introdusí algun di e medidanan di mas severo desde ku e vírus a surgi den e siudat di Wuhan na 2019, ku un ‘lockdown’ estrikto ku ta difikultá kumpramentu di kuminda i kaminda míles di persona a drenta sentronan di karentena.
Personanan ku ta biba den komunidatnan kaminda no a registrá niun kaso den e último 14 dianan por sali for di nan kasnan.
