HAVANA, CUBA, AFP.- Organisashonnan no gubernamental a entregá un donashon di 3,5 tòn di lechi na puiru destiná pa hospitalnan i kasnan di ansiano, meimei di e skarsedat di lechi ku e pais ta pasando aden.
E alimento aki, balorá na 15.800 dòler, ta hopi skars riba e isla aktualmente i ta disponibel solamente pa muchanan.
Ku un produkshon di lechi abou, Cuba ta importá gran parti di e lechi ku e pais ta konsumí. Importashonnan no ta sufisiente pa e pueblo i ta wòrdu distribuí prinsipalmente entre muchanan bou di shete aña i personanan malu.
Outoridatnan kubano a alertá e pueblo pa limitashonnan di lechi na puiru for di aña pasa den luna di òktober. E limitashonnan ta den Havana i kuater provinsia mas a falta di “disponibilidat di finansiamentu di barkunan i proveedornan”.
E donashon di djaluna a destiná pa hospitalnan onkológiko di Havana i Holguin, i tambe kasnan di ansiano di Ehérsito di Salbashon, den e kapital.
Esaki ta e segundo donashon di lechi di puiru pa e aña aki.
Cuba ta pasando den e krísis ekonómiko di mas pió den 30 aña. E situashon a empeorá ku e pandemia di covid-19 i e embargo di Merka.
