NANTUCKET, MASSACHUSETTS, MERKA, AP.- E abogadonan di Kevin Spacey a presentá un deklarashon di inosensia den korte di Massachusetts, kaminda e aktor ta enfrentá akusashonnan pa mishi ku parti íntimo di un hóben di 18 aña den un bar na aña 2016.
E astro di sine ku a wòrdu desakredita a paresé den Tribunal di Nantucket pa defendé su mes kontra un demanda di agreshon seksual. E próksimo oudiensia lo tuma lugá riba 4 di mart, Spacey no ta obligá na presentá e dia aki, pero e mester ta disponibel telefónikamente, segun indikashon di e hues.
El a haña òrdu pa keda leu di su akusado i esaki su famia.
Spacey i su abogadonan a apstené di duna deklarashon despues di a Sali for di korte, kaminda tabatin un multitut di periodista wardando.
E oudiensia a tuma lugá mas di un aña despues ku un eks presentadó di televishon di Boston a akusá e eks astro di “House òf Cards” di ataka su yu den e bar Club Car, kaminda e hóben tabata traha komo kamarero.
Un hues a rechasá un intento di Spacey pa no asistí e korte djaluna. Spacey a argumentá ku su presensia lo “amplifika e publisidat negativo ya generá” den e kaso.
E aktor a enfrentá mas akusashon. E promé ta yu di kolega Anthony Rapp, kende a bisa ku Spacey a subi riba su kama na momentu ku Rapp tabatin 14 aña di edat i Spacey 26. Spacey a informá ku e no ta kòrda e insidente pero el a diskulpa si akaso esaki ta bèrdat.
