SAO PAULO, AP.- Awaseru fuerte a kousa morto di por lo ménos 11 persona den i alrededor di São Paulo, inkluyendo esun di un beibi di un aña di edat.
Kuater persona a muri na momentu ku un edifisio a basha den otro den e siudat di Ribeirao Pires, pafó di megapolis, segun informashon di Departamento di Bombero.
El a agregá ku dos persona a hoga debí ku e riu Tamanduatei a kousa un inundashon i un otro a muri na Sao Bernador do Campo.
Algun otro víktima a muri den siudat di Embu das Artes, Santo Andre i Sao Caetano.
Awaseru fuerte a kuminsá kai djadumingu anochi i funshonarionan a pronostiká ku mas awa lo yobe.
E sentro di emergensia na São Paulo a bisa ku e kantidat di áwaseru ku a kai den ménos di un dia ta mas ku un terser parti di awa ku sa kai normalmente den e pais.
Departamento di Bombero di São Paulo a bisa ku por lo ménos 155 palu a kai den e siudat. Vários kaminda a wòrdu blòkiá.
